Botun Room
ໂຮງແຮມ 36ມາເນີ ກິລາສາກົນ ໃຫ້ບໍລິການຊາແບບດັ່ງເດີມຫຼາກຫຼາຍຊະນິດ ແລະ ຍັງມີບໍລິການຫ້ອງດື່ມຊາແບບສ່ວນຕົວນຳອີກ, ເຊິ່ງມີທັງໝົດຢູ່ 3 ຫ້ອງທີ່ແຕກຕ່າງກັນຄື: ຫ້ອງຊາແບບລາວ, ແບບຈີນ ແລະ ແບບຍີ່ປຸ່ນ. ໃນຫ້ອງດື່ມຊາທີ່ສະບາຍໆນັ້ນ, ທ່ານສາມາດເພີດເພີນກັບຊາໃນຫ້ອງດື່ມຊາອັນງຽບສະຫງົບ, ມີການ້ຳຊາ 1 ໜ່ວຍ, ເຄື່ອງຫອມເລັກນ້ອຍ, ພ້ອມກັບສະຫາຍ 2-3 ຄົນ, ນັ່ງງຽບໆເພີດເພີນໄປກັບຊາ ແລະ ສຳຜັດເຖິງວັດທະນະທໍາຊາທີ່ມີປະຫວັດສາດອັນຍາວນານ, ເຮັດໃຫ້ບົດສົນທະນາຂອງທ່ານຄ່ອຍໆລະລາຍຄວາມຕຶງຄຽດ ແລະ ຄວາມກັງວົນອອກໄປໃນຊ່ວງເວລານັ້ນໆ.
Sakura Room
ຕົ້ນຊາທີ່ໂຮງແຮມພວກເຮົາຄັດສັນມາ ແມ່ນໄດ້ມາຈາກຕົ້ນຊາບູຮານທີ່ເກົ່າແກ່ມີອາຍຸຕັ້ງແຕ່ 300 ຫາ 1500 ປີ, ປະສົມປະສານກັບເຕັກນິກການປຸງແຕ່ງຊາແບບຈີນບູຮານ ກັບສ່ວນປະສົມຈາກທຳມະຊາດອັນບໍລິສຸດຂອງລາວ. ຜະລິດຕະພັນນີ້ໄດ້ຜ່ານການຮັບຮອງການກວດສອບມາດຕະຖານເອີຣົບ, ມີການຢັ້ງຢືນວ່າປອດສານພິດ, ມີການຢັ້ງຢືນແຫຼ່ງຜະລິດຂອງລາວ ແລະ ອື່ນໆ. ນອກຈາກນັ້ນ, ຍັງໄດ້ຮັບການຄັດເລືອກໃຫ້ເປັນຂອງຂວັນແຫ່ງຊາດຈາກລັດຖະບານ ສປປ ລາວ, ພ້ອມທັງໄດ້ມອບໃຫ້ເປັນຊາ ສຳລັບຮອງຮັບວຽກງານການຕ່າງປະເທດຢ່າງເປັນທາງການຂອງຫ້ອງວ່າການນາຍົກລັດຖະມົນຕີ ສປປ ລາວ, ຊາສະເຫຼີມສະຫຼອງວັນສ້າງຕັ້ງສາຍພົວພັນທາງການທູດລາວ-ຈີນຄົບຮອບ 60 ປີ ແລະ ຊາເພື່ອກິດຈະກຳຂອງປີທ່ອງທ່ຽວວັດທະນະທໍາລາວ-ຈີນ, ພ້ອມນັ້ນຍັງໄດ້ຮັບລາງວັນຊະນະເລີດຫຼຽນຄໍາ ຈາກການແຂ່ງຂັນອຸດສາຫະກໍາຊາໂລກ ໃນປີ 2021.
