ຄວາມ​ບໍ​ລິ​ສຸດ​ຜຸດ​ຜ່ອງ, ຈິດ​ວິ​ນຍານ ແລະ ຄວາມ​ເປັນ​ທຳ​ມະ​ຊາດ ພຽງແຕ່ຊາຈອກດຽວກໍສາມາດ​ເຮັດ​ໃຫ້​ທ່ານ​ສຳ​ພັດ​ໄດ້​ເຖິງ​ຄວາມ​ເປັນ​ລາວ​ທີ່​ແທ້​ຈິງ. ​ເຂດພູພຽງບໍລິເວນທາງພາກໃຕ້ຂອງປະເທດລາວ ​ຢູ່ຈຸດ​ກິ​ໂລ​ແມັດ​ທີ 36 ຂອງຕົວເມືອງປາກຊ່ອງ ມີຕົ້ນຊາຫຼາຍລ້ານຕົ້ນທີ່ມີອາຍຸຮ້ອຍເຖິງພັນປີ​ປະສົມປະສານໄປດ້ວຍຕົ້ນໝາກໄມ້, ຕົ້ນດອກໄມ້ປ່າ ແລະ ຕົ້ນກາເຟ. ສວນຊາ 36 ຖືກສ້າງຕັ້ງຂຶ້ນໃນປີ 2017 ມີເນື້ອທີ່ 150 ເຮັກຕາ, ໂດຍໃຫ້ຄວາມໃສ່ໃຈຕໍ່ທຸກໆຂັ້ນຕອນຂອງການປູກຊາ ແລະ ການຜະລິດ. ຫຼັກການສໍາຄັນຂອງພວກເຮົາແມ່ນຢູ່​ກັບ​ທຳ​ມະ​ຊາດ ແລະ ເປັນ​ມິ​ດ​ກັບ​ສິ່ງ​ແວດ​ລ້ອມ. ຕົ້ນຊາທີ່ເກົ່າແກ່ເຫຼົ່ານີ້ ນອກຈາກຈະອາໄສດິນ​ພູ​ເຂົາໄຟທີ່ອຸດົມສົມບູນແລ້ວ ກໍບໍ່ໄດ້ໃສ່ປຸຍເຄມີໃດໆຕື່ມອີກ ຈຶ່ງເຮັດໃຫ້ຊາຂອງພວກເຮົາມີລົດຊາດທີ່ອ່ອນໂຍນຕິດພັນທຳມະຊາດທີ່ສຳຜັດໄດ້ເຖິງຍອດຂອງໃບຊາ​ທີ່ແທ້ຈິງ. ການສືບທອດງານສີມືຕົ້ນຕໍາລັບຊາທີ່ແທ້ຈິງຂອງພວກເຮົາໄດ້ກາຍເປັນຄວາມພາກພຸມໃຈຂອງຄົນ​ລາວ ແລະ ພວກເຮົາພ້ອມແລ້ວທີ່ຈະມອບຊັບສົມບັດອັນລ້ຳຄ່ານີ້ໄປສູ່ພາຍນອກ.

ສວນຕົ້ນຊາບູຮານ 36 ໄດ້ເປັນໂຕເຊື່ອມໂຍງໃນການປະສົມປະສານເຕັກນິກການຜະລິດຊາທຳມະຊາດບໍລິສຸດລາວ-ຈີນໃຫ້ກ້າວໜ້າຄຽງຄູ່ກັນໄປ ແລະ ຜະລິດຕະພັນຊາຂອງສວນຊາ 36 ຍັງໄດ້ຜ່ານການກວດສອບ
ຄຸນນະພາບຊາລະດັບສາກົນອີກດ້ວຍ. ຜະລິດຕະພັນຊາຈາກສວນຊາ 36 ມັກຈະຖືກເລືອກຈາກລັດຖະບານລາວໃນການມອບເປັນຂອງຕ້ອນອັນມີກຽດຂອງຊາດຕໍ່ຊາວໂລກ. ຜະລິດຕະພນຊາຂອງສວນຊາ 36 ຍັງໄດ້ຜ່ານການກວດສອບ ຄຸນນະພາບຊາລະດັບສາກົນອີກດວຍ.