ໃນວັນທີ 1 ເມສາ 2021, ງານຕະຫຼາດສິນຄ້າລາວ 1 ເມືອງ 1 ຜະລິດຕະພັນ (ODOP) ພາຍໃຕ້ຄອນເຊັບ Cashless Market (ໄປຈ່າຍຕະຫຼາດແບບດິຈິຕ້ອນໂດຍບໍ່ໃຊ້ເງິນສົດ) ໄດ້ຖືກຈັດຂຶ້ນທີ່ສູນການຄ້າພາກຊັນ Parkson ເຊິ່ງສວນຊາ36 ກໍເປັນໜຶ່ງໃນຮ້ານຄ້າທີ່ເຂົ້າຮ່ວມວາງສະແດງ ແລະ ຈັດຈຳໜ່າຍສິນຄ້າ ODOP ໃນຄັ້ງນີ້ໄປຈົນເຖິງວັນທີ 4 ເມສາ ນີ້.
ໃນງານດີໆແບບນີ້ ສວນຊາ36 ກໍໄດ້ມອບຜະລິດຕະພັນ ຊາເພັດປາກຊ່ອງໃຫ້ແກ່ ທ່ານ ປອ ຄຳແພງ ໄຊສົມແພງ, ລັດຖະມົນຕີກະຊວງອຸດສາຫະກຳ ແລະ ການຄ້າ. ພ້ອມດຽວກັນນັ້ນ, ທ່ານ ຄຳແພງ ແລະ ບັນດາແຂກທີ່ເຂົ້າຮ່ວມງານກໍ່ໄດ້ໃຫ້ກຽດດື່ມຊາປາກຊ່ອງຂອງ ສວນຊາ36 ອີກດ້ວຍ.
ການພັດທະນາສິນຄ້າ ODOP ແມ່ນຖືໄດ້ວ່າມີຄວາມສຳຄັນຕໍ່ລັດຖະບານລາວ ເພື່ອສົ່ງເສີມການພັດທະນາຂອງເຂດເມືອງຕ່າງໆໃນລາວ ລວມເຖິງການບັນລຸເປົ້າໝາຍຫຼຸດຜ່ອນຄວາມທຸກຍາກ. ງານນີ້ມີຈຸດປະສົງເພື່ອແນໃສ່ການສົ່ງເສີມການພັດທະນາສິນຄ້າ ODOP ແບບຍືນຍົງ ແລະ ເພີ່ມມູນຄ່າຂອງຜະລິດຕະພັນນັ້ນໆອີກດ້ວຍ.